၁၄.၅.၂၀၂၄
Written By Thandar
ပရိသတ်အတွက် မတူညီတဲ့ ခံစားမှုရသကို ပေးစွမ်းမယ့် “အချစ်နွံ” ဇာတ်လမ်းတွဲ ကန်တော့ပွဲပေး အခမ်းအနားကို ယနေ့ မေ ၁၄ ရက် နံနက်ပိုင်းက ရန်ကုန်မြို့ရှိ ကျိုက္ကဆံစေတီတော်အောင်မြေမှာ ကျင်းပခဲ့ပါတယ်။
“ဒီကာရိုက်တာလေးက ကျွန်တော် အပြင်မှာနေတဲ့ ကျွန်တော့်ရဲ့ ပုံစံနဲ့ လုံးဝကွဲပြားတဲ့ကာရိုက်တာ ပုံစံလေးပါ။ တော်တော် လေ့လာရတာတွေ များတယ်။ ဒီမှာပါတဲ့ သရုပ်ဆောင်တွေနဲ့ သရုပ်ဆောင်ချက်တွေက ပရိသတ်တွေ မတူညီတဲ့ ရသတစ်ခု ရမယ်လို့ ထင်ပါတယ်” လို့ သရုပ်ဆောင် အောင်ရဲထိုက်က ပြောပါတယ်။
Tape Production ရဲ့ ဒီဇာတ်လမ်းတွဲကို ဇာတ်လမ်း ဇာတ်ညွှန်းအေးသီရိကို ရေးသားပြီး ဒါရိုက်တာ သန့်ဇင်က သရုပ်ဆောင် အောင်ရဲထိုက်၊ အောင်ဇေယျမင်းထင်၊ ဟင်နရီ၊ ကျော်ဇော၊ မင်းသူ၊ ရဲမွန်၊ သီရိစိုး၊ ကိုကိုး၊ သီရိကျော် ၊ ပြည့်ပြည့် စတဲ့ သရုပ်ဆောင်များစွာနဲ့ ရိုက်ကူးကြမှာဖြစ်ပါတယ်။
“ဒီကာရိုက်တာလေးက သီရိ အမြဲတမ်း သရုပ်ဆောင်ချင်တယ်လို့ စိတ်ကူးထားတဲ့ ကာရိုက်တာတစ်ခုပါ။ ဒီကာရိုက်တာ ကိုယ့်ဆီရောက်လာတဲ့ အချိန်မှာ သီရိဦးနှောက်ထဲမှာရှိတဲ့ ကာရိုက်တာနဲ့ သူတို့ရေးထားတဲ့ ကာရိုက်တာနဲ့ ဘယ်လိုမျိုး ချိတ်ဆက်လို့ရမလဲဆိုတာကို စဉ်းစားပြီး လုပ်ထားတယ်။ ကာရိုက်တာ ပုံစံလေးက ဘယ်လိုပုံစံလေးဖြစ်မလဲဆိုတာကိုတော့ ပြောပြလို့မရသေးဘူး။ ထွက်လာရင်တော့ စောင့်ကြည့်ပေးပါလို့ ပြောချင်ပါတယ်” လို့ သရုပ်ဆောင် သီရိစိုးက ပြောပါတယ်။
“အချစ်နွံ” ရုပ်သံဇာတ်လမ်းတွဲကို မကြာခင် ရက်ပိုင်းအတွင်းမှာ စတင်ရိုက်ကူးမှာဖြစ်ပြီး Channel K ရုပ်သံလိုင်းမှာ ထုတ်လွှင့် ပြသမှာဖြစ်ပါတယ်။
