၁၀.၅.၂၀၂၄
Written by KL
မွန်ပြည်နယ်၊ မော်လမြိုင်မြို့၊ မုရောင်းကျေးရွာတွင် မေလ ၉ ရက် ည ၆ နာရီခွဲခန့်က အုတ်ဖုတ်ရန်တူးထားသောရေကန်၌ အသက် ၄၀ အရွယ် အမျိုးသားကြီးတစ်ဦး ရေဆင်းကူးရာမှ ရေနစ်သေဆုံးမှု ဖြစ်ပွားခဲ့ကြောင်း ဒေသခံများထံမှ သိရသည်။
“သူက ဟိုဘက်ကမ်းကနေ ကူးလာတာ။ ဒီဘက်ကမ်းရောက်ခါနီး ပြန်မတက်နိုင်တော့ဘဲ ပျောက်သွားတာ။ ရေက လူ နှစ်ရပ်စာလောက်နစ်တယ်။ သူရေနစ်တာကို ကလေးတွေက မြင်ပြီး ရွာက လူကြီးတွေကို ပြောလို့ သိတာ “ဟု မုရောင်းကျေးရွာ ဒေသခံတစ်ဦးက ပြောသည်။
ရေနစ်သေဆုံးသူကို ရာမညအရေးပေါ်ကယ်ဆယ်ရေးအဖွဲ့မှ ရေနစ်သူကယ်ဆယ်ရေးအဖွဲ့ဝင် ၁၃ ဦးဖြင့် ရေငုပ်ရှာဖွေခဲ့ရာ ၂ မိနစ်ခန့်အကြာတွင် အလောင်းကို ပြန်လည်တွေ့ရှိခဲ့ကြောင်း ရာမည အရေးပေါ်ကယ်ဆယ်ရေးအဖွဲ့မှ တာဝန်ရှိသူတစ်ဦးက ပြောသည်။
သေဆုံးသူ၏ရုပ်အလောင်းကို မော်လမြိုင်ပြည်သူ့ဆေးရုံရှိ ရင်ခွဲရုံသို့ ပို့ဆောင်ကူညီပေးခဲ့ကြောင်း သိရသည်။
