၂၈. ၂. ၂၀၂၄
Written by Nay Moe
ရန်ကုန်မြို့၊ ဒဂုံမြို့နယ်က Mytel ကုမ္ပဏီရုံးချုပ်ကို ဒီ ညနေပိုင်းမှာ မိုင်းခွဲတိုက်ခိုက်ခဲ့တယ်လို့ Yangon Army PDF အဖွဲ့က ပြောပါတယ်။
ဖြစ်စဥ်က ဒီနေ့ ဖေဖော်ဝါရီ ၂၈ ရက် ညနေ ၆ နာရီခန့်မှာ ဒဂုံမြို့နယ်၊ ကျောက်တိုင်မှတ်တိုင်၊ တိရစ္ဆာန်ဥယျာဥ်အနီးက MyTel ကုမ္ပဏီ ရုံးချုပ်ကို အနောက်ပိုင်းခရိုင်ပြည်သူ့ကာကွယ်ရေးတပ်ဖွဲ့ (ပကဖ)နဲ့ Yangon Army (YA) တို့ပူးပေါင်းပြီး ပြင်းအားမြင့်အဝေးထိန်းမိုင်းနဲ့ ဖောက်ခွဲခဲ့တာဖြစ်သလို လုံခြုံရေးတပ်ဖွဲ့ဝင်တွေ ထိခိုက်သွားတယ် ပြောပါတယ်။
ဒီတိုက်ခိုက်မှုနဲ့ပတ်သက်ပြီး လုံခြုံရေးတပ်ဖွဲ့နဲ့နီးစပ်တဲ့ မီဒီယာတွေမှာ ပေါက်ကွဲမှုမရှိဘူးငြင်းဆိုနေသလို ဖောက်ခွဲတဲ့ PDF နှစ်ဖွဲ့ကလည်း လုံခြုံရေးတပ်နဲ့ဆက်စပ်နေသူတွေကို ဆက်လက်တိုက်ခိုက်မယ် ခြိမ်းခြောက်ထားတာတွေ့ရပြီး MT News ကလည်း ဒီဖြစ်စဥ် မှန် မမှန် ဆက်လက်အတည်ပြုနေပါတယ်။
