၁၂. ၁. ၂၀၂၄
Written By Thandar
အသက်ငယ်ငယ်လေးထဲက ပရိသတ်အားပေးမှု အခိုင်အမာရရှိထားတဲ့ သရုပ်ဆောင် စိုင်းလွှမ်းရဲ့ သမီးလေး စစ်လွန်းဝတီထက်ရဲ့ အသက် ၁၃ နှစ်ပြည့်မွေးနေ့မှာတော့ ဖခင်ရဲ့ချစ်သူဖြစ်တဲ့ ဇာတ်မင်းသမီး သင်ဇာရဲဝင်းက သမီးလေးအတွက် မွေးနေ့သီချင်းလေးသီဆိုပေးခဲ့တာဖြစ်ပါတယ်။
သရုပ်ဆောင် စိုင်းလွှမ်းရဲ့ ချစ်သူဖြစ်တဲ့ သင်ဇာရဲဝင်းကတော့ အနုပညာတက္ကသိုလ်ဆင်း ဇာတ်မင်းသမီးတစ်ဦးဖြစ်ပါတယ်။ ပရိသတ်ချစ်ခင်ရတဲ့ စစ်လွန်းဝတီထက်ကတော့ ထပ်ဆင့်အကယ်ဒမီမင်းသမီး ထက်ထက်မိုးဦးနဲ့ စိုင်းလွှမ်းတို့ရဲ့ တစ်ဦးတည်းသော သမီးဖြစ်ပါတယ်။ သရုပ်ဆောင် စိုင်းလွှမ်းနဲ့မင်းသမီး ထက်ထက်မိုးဦးတို့က စစ်လွန်းဝတီထက် ငယ်ရွယ်စဥ်ကပဲ လမ်းခွဲပြီး ကွာရှင်းပြတ်စဲခဲ့ကြတာလည်း ဖြစ်ပါတယ်။
သင်ဇာရဲဝင်းကတော့ အိုင်ရင်းဇင်မာမြင့်ရဲ့ Happy Birthday တေးသီချင်းလေးကို စစ်လွန်းဝတီထက်အတွက် သီဆိုပေးခဲ့တာလည်းဖြစ်ပါတယ်။ စိုင်းလွှမ်းက စစ်လွန်းဝတီထက် ငယ်ရွယ်စဥ်ကတည်းက ယနေ့အချိန်အထိ နောက်အိမ်ထောင်မပြုခဲ့ဘဲ သမီးဖြစ်သူ အသက် ၁၃ နှစ်ပြည့် မွေးနေ့နီးခါမှ ချစ်သူကောင်မလေး ဇာတ်မင်းသမီး သင်ဇာရဲဝင်း နာမည်ကို ပရိသတ်သိအောင်Facebook ကနေ Tag တွဲ အတိအလင်းချပြလိုက်တာလည်း ဖြစ်ပါတယ်။ ဇနီးဟောင်းဖြစ်သူ ထက်ထက်မိုးဦးကလည်း သဘောထားကြီးစွာ ပါးပါးမင်္ဂလာဆောင်မှ လာမယ်လို့ စနောက်ပြီး ပရိသတ်သိအောင်ပြောလာခဲ့ပါသေးတယ်။
ထက်ထက်မိုးဦးကတော့ သမီးဖြစ်သူ စစ်လွန်းဝတီထက် မွေးနေ့အတွက် ကားသစ်တစ်စီးနဲ့ IPhone 15 Promax မွေးနေ့လက်ဆောင် အနေနဲ့ ကြိုပြီးဝယ်ပေးခဲ့ပါတယ်။ ဇာတ်မင်းသမီး သင်ဇာရဲဝင်းက ချစ်သူစိုင်းလွှမ်းရဲ့ သမီးစစ်လွန်းဝတီထက်အတွက် မွေးနေ့သီချင်း သီဆိုပေးနေမှုကိုလည်း ပရိသတ်တွေ အားပေးခဲ့ကြပါတယ်။ လက်ရှိအချိန်မှာ ထပ်ဆင့်အကယ်ဒမီထက်ထက်မိုးဦးကတော့ ကျန်းမာရေးအတွက် ဘန်ကောက်ကဆေးရုံတစ်ခုမှာ ဆေးကုသမှုခံယူနေတာလည်း ဖြစ်ပါတယ်။
