၁.၁.၂၀၂၄
Written By Thandar
ကြော်ငြာဘုရင်မလို့တင်စားခေါ်ဝေါ်ခံရတဲ့ ထပ်ဆင့်အကယ်ဒမီ ထက်ထက်မိုးဦးက သမီးဖြစ်သူ စစ်လွန်းဝတီထက်ရဲ့ မွေးနေ့အတွက် ကားသစ်တစ်စီးနဲ့ IPhone 15 Promax မွေးနေ့လက်ဆောင် ဝယ်ပေးခဲ့ပါတယ်။
“မေမေ့ အသဲနှလုံးလေးရေ လိမ္မာပြီး စာသိပ်တော်တဲ့ သမီးလေးဘဝတစ်လျှောက်လုံး အရာရာပြည့်စုံပြီး ဆန္ဒနဲ့ဘဝ တစ်ထပ်တည်းကျပါစေ။ အမြဲအေးချမ်းပြီး အန္တရာယ်ကင်းပါစေလို့ မေမေဆုတောင်းပေးလိုက်ပါတယ်။ နှစ်သစ်မှာလာမယ့် သမီးလေးမွေးနေ့အတွက် ကားတစ်စီးနဲ့ I phone 15 Pro Max လေးလက်ဆောင်ဝယ်ပေးရလို့ မေမေအတိုင်းမသိ ပျော်ရွှင်နေရပါတယ်။ နှလုံးသားချင်း အသွေးအသားချင်းဆက်နေတဲ့ မေမေ့သမီးအသဲနှလုံးလေးကိုအချစ်ရဆုံးပါကွယ်။ အားလုံးပဲကျန်းမာချမ်းသာကြပါစေ။ နှစ်သစ်မှာအေးချမ်းကြပါစေ။ ငွေတွေများကြီးဝင်ကြပါစေ”လို့ ထပ်ဆင့်အကယ်ဒမီ ထက်ထက်မိုးဦးက ပရိသတ်သိအောင် ပြောလာပါတယ်။
သူမဟာ မကြာခင်ရောက်ရှိလာမယ့် သမီးငယ် စစ်လွန်းဝတီထက် မွေးနေ့အတွက် မွေးနေ့လက်ဆောင်နဲ့ နှစ်သစ်ကူးဆုတောင်းစာကို ပြောလာတာဖြစ်ပါတယ်။ လက်ရှိမှာတော့ ထက်ထက်မိုးဦးကတော့ ကျန်းမာရေးအတွက် ဘန်ကောက်ဆေးရုံတစ်ခုမှာဆေးကုသမှုခံယူနေတာလည်း ဖြစ်ပါတယ်။
“သမီးမွေးနေ့အမှီ ပြန်လာပါနော်။ အားလုံးဆုံကြမယ်နော်။ ပါပါး၊ မမလည်းလာမှာမို့ မေမေနဲ့မိတ်ဆက်ပေးရင်း စကားတွေပြောကြမယ်ပျော်စရာကြီးလေနော်။ မေမေ နှစ်သစ်မှာပျော်ရွှင်ကျန်းမာပါစေ။ ကိုယ်ကျန်းမာစိတ်ချမ်းသာပါစေလို့လည်း ညတိုင်းရှိခိုးဆုတောင်းအိပ်တယ်နော် မေမေ” လို့ သမီးဖြစ်သူ စစ်လွန်းဝတီထက်ကလည်း ပရိသတ်သိအောင်ပြောလာပါတယ်။
