၇.၁၂.၂၀၂၃
Written By Thandar
ပရိသတ်အားပေးမှု ရရှိထားကြတဲ့ Miss Grand Myanmar 2024 ပြည်နယ်နဲ့တိုင်းအလိုက် ကိုယ်စားပြုအလှမယ်တွေနဲ့ Host City ပွဲကို ဒီဇင်ဘာ ၇ ရက် ညနေ ၃ နာရီက ရန်ကုန်မြို့ Myanmar Plaza Promotion Area မှာ ကျင်းပခဲ့ပါတယ်။
အဆိုပါ ပွဲမှာ အလှမယ်တွေအဖြစ် မုဒုံကိုယ်စားပြုအလှမယ် မြင့်မြတ်မိုး၊ တောင်ငူကိုယ်စားပြုအလှမယ် သဲစုငြိမ်း၊ ရန်ကုန်အရှေ့ပိုင်းကိုယ်စားပြု အလှမယ် ရွှေခြူးငုံ၊ ပြင်ဦးလွင် ကိုယ်စားပြုအလှမယ် ကျော်ကျော်အိန္ဒြာ၊ ဟားခါးကိုယ်စားပြု ဆုမြတ်ရည်၊ မြဝတီကိုယ်စားပြုအလှမယ် နန်းခိုင်ရွှေဝါဝင်း ၊ ဝေါကိုယ်စားပြုအလှမယ် ပန်သီရိဘို စတဲ့သူတွေက ပရိသတ်တွေနဲ့အတူ ဓာတ်ပုံရိုက်တာ၊ အမှတ်တရလက် ဆောင်ပေးအပ်တာတွေ လုပ်ဆောင်ခဲ့ပါတယ်။
ဒါ့အပြင် National Director ကိုထူးအံ့လွင်က အလှမယ်တွေကို Surprise မေးခွန်းတွေမေးမြန်းခဲ့ကြပြီး ပျော်ရွှင်စရာ တစ်ခုကို ဖန်တီးခဲ့ကြပါတယ်။ Miss Grand Myanmar 2024 ပြိုင်ပွဲကြီးအတွက်လည်း ဒီညနေ ၆ နာရီမှာတော့ ရန်ကုန်မြို့ ရွှေထွဋ်တင်ကွင်း Hexagon Complex မှာ အလှမယ်တွေရဲ့ National Costume Competition ကို ခမ်းခမ်းနားနားကျင်းပနေပါတယ်။ လာမယ့် ဒီဇင်ဘာ ၁၀ ရက်နေ့မှာ Miss Grand Myanmar 2024 Grand Final ဆက်လက် ကျင်းပသွားမှာဖြစ်ပါတယ်။
