၆. ၁၂. ၂၀၂၃
Written by Naing Thuta
ပြည်ကြီးတံခွန်မြို့နယ်ရှိ လမ်းဘေးရေဆိုးမြောင်းအနီးတွင် အမည်မသိအမျိုးသားတစ်ဦး၏ ရုပ်အလောင်း ယနေ့မနက်ပိုင်းက တွေ့ရှိခဲ့ကြောင်း လောကပါလ လူမှုကူညီရေးအသင်းထံမှ သိရသည်။
ဖြစ်စဉ်မှာ မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ ၁၂၈ လမ်း၊ ၅၆ လမ်းနှင့် ၅၇ လမ်းကြားရှိ လမ်းဘေးရေဆိုးမြောင်းအနီးတွင် ဒီဇင်ဘာ ၆ ရက်(ယနေ့) နံနက် ၇ နာရီခွဲခန့်က အမည်မသိအမျိုးသားတစ်ဦးသေဆုံးနေကြောင်း ရပ်ကွက်နေပြည်သူများမှတွေ့ရှိပြီး သက်ဆိုင်ရာသို့အကြာင်းကြားခဲ့ရာ လာရောက်စစ်ဆေးမှုများပြုလုပ်ပြီးနောက် ရုပ်အလောင်းကို လောကပါလလူမှုကူညီရေးအသင်းက မော်တော်ယာဥ်ဖြင့် တောင်အင်းမြောက်အင်းသုသာန်သို့ ပို့ဆောင်ပေးခဲ့ကြောင်း သိရသည်။
အဆိုပါ သေဆုံးနေသူသည် အသက် ၃၀ အရွယ်ခန့်ရှိပြီး ပြင်ပဒဏ်ရာမရရှိဘဲ သေဆုံးနေခြင်းဖြစ်ကာ သေဆုံးသူ၏ အမည်နှင့်နေရပ်လိပ်စာကို ယခုထိမသိရှိရသေးဘဲ သက်ဆိုင်ရာမှာ စုံစမ်းနေဆဲဖြစ်ကြောင်း သိရသည်။
