၆. ၁၂. ၂၀၂၃
Written by Nyein Kyaw
မိဘပြည်သူများ အကြောင်းအမျိုးမျိုးကြောင့် ပျောက်ဆုံးနေသော မှတ်ပုံတင်၊ ယာဉ်မောင်းလိုင်စင်၊ Bank Card၊ ဘဏ်စာအုပ်၊ သက်သေခံကတ်ပြား စသည့်အရေးကြီး စာရွက်စာတမ်းများအား စာတိုက်ပုံးများတွင် တွေ့ရှိသဖြင့် “မြန်မာ့စာတိုက်လုပ်ငန်း” တွင် သိမ်းဆည်းထားကြောင်း မြန်မာ့စာတိုက်လုပ်ငန်းမှ ယနေ့တွင်အသိပေး ထုတ်ပြန်ထားသည်။
“ပျောက်တဲ့ ဘဏ်စာအုပ်၊ ယာဉ်မောင်းလိုင်စင် နံပါတ်ကိုပြောပါ။ ဆက်သွယ်လာတဲ့သူရဲ့ နာမည်ပြောပါ။ ကျွန်မတို့ရှာပေးပါမယ်။ သိမ်းထားတဲ့ အရေအတွက် ဘယ်လောက်ရှိတယ်ဆိုတာတွေကိုတော့ ပြောလို့မရပါဘူး” ဟု မြန်မာ့စာတိုက်လုပ်ငန်းမှ တာဝန်ရှိသူက MT News သို့ ပြောသည်။
ထို့ကြောင့် ပြည်သူများ ပျောက်ဆုံးနေသည့် အရေးကြီးစာရွက်စာတမ်းများနှင့် ပတ်သက်၍ ပြန်လည်ရှာဖွေစုံစမ်းမေးမြန်းလိုပါက ၀၆၇- ၃၄၂၀၆၃၀၊ ၀၆၇- ၃၄၂၀၈၈၈ ဖုန်းနံပါတ်များသို့ စုံစမ်းမေးမြန်းနိုင်ကြောင်း အသိပေး ကြေညာထားသည်။
