၃၀. ၁၁. ၂၀၂၃
Written by Nay Moe
ကောလင်းခရိုင်၊ ကောလင်းမြို့ကို NUG၊ KIA နဲ့ PDF တွေ တိုက်ခိုက်သိမ်းပိုက်အပြီးမှာ ပုဂ္ဂလိကဘဏ်တွေကို ဖွင့်ဖောက်လုယက်ပြီး ကျပ် ၄၅ ဘီလျံခန့်ကို (ကျပ်သန်းပေါင်း ၄၄,၅၁၈.၂၉၇) ကို လုယက် သိမ်းယူထားတာမှန်ကန်တယ်လို့ NUG က အခုညမှာ ဝန်ခံ ကြေညာပါတယ်။
နိုဝင်ဘာ ၂၉ ရက်မှာ SAC ဥက္ကဋ္ဌက NUG နဲ့ PDF တွေဟာ ကောလင်းမြို့က ပုဂ္ဂလိကဘဏ်တွေကို ဖျက်ဆီးပြီး ကျပ် ဘီလျံ ၄၀ လုယက်သွားတယ်လို့ ပြောပြီးချိန်မှာ ဒီလုယက်မှုကို ထိမ်ချန်ထားတဲ့ NUG ဟာ ဖုံးကွယ်မရတော့လို့ သူတို့လုယက်ခဲ့တာ ကျပ် ၄၅ ဘီလျံနီးပါးရှိတယ်လို့ ဒီနေ့ နိုဝင်ဘာ ၃၀ မှာ ဝန်ခံချက်ထုတ်ပြန်လာတာဖြစ်ပါတယ်။
PDF တွေဟာ ငွေရလွယ်တဲ့ ဘဏ်တွေကို ဦးတည် တိုက်ခိုက်နေလို့ ပုဂ္ဂလိကဘဏ်တွေကို ရဲလုံခြုံရေးနဲ့ အရေးကြီးဘဏ်တွေကို စစ်တပ်ကလုံခြုံရေး ဆောင်ရွက်နေရတယ်လို့လည်း SAC ဥက္ကဋ္ဌက ပြောပါတယ်။
NUG ဟာ ဒီကျပ် ၄၅ ဘီလျံခန့်ကို ထွန်းကော်မာရှယ်ဘဏ်၊ ကမ္ဘောဇဘဏ်၊ မြန်မာ့ရှေ့ဆောင်ဘဏ်၊ ဧရာဝတီဘဏ်နဲ့ ကမ္ဘာ့ရတနာဘဏ်တွေကနေ လုယက်ခဲ့တာဖြစ်ပြီး ကောလင်းမြန်မာ့စီးပွားရေးဘဏ်ကနေလည်း ကျပ် ၉၅၂ သန်းကျော် လုယက်ထားပြီး ထိန်းသိမ်းတယ်အမည်တပ် တစ်ချိန်ပြန်ပေးမယ်ပြောပေမဲ့လည်း ဘယ်သူကမှတော့ မယုံကြည်ပါဘူး။
