၃၀. ၁၁. ၂၀၂၃
Written by Nay Moe
မကွေးတိုင်းဒေသကြီး၊ ချောက်မြို့၊ မြို့နယ်စည်ပင်သာယာ ရေးဥက္ကဋ္ဌ(မြို့တော်ဝန်) ကို Chauk Guerrilla Force PDF အဖွဲ့က ချောင်းမြောင်းပစ်ခတ် သတ်ဖြတ်လိုက်တယ်လို့ သိရပါတယ်။
ဖြစ်စဥ်က နိုဝင်ဘာ ၂၉ ရက် ညနေ ၃ နာရီ ၅ မိနစ်အချိန်က ချောက်မြို့၊ မြို့နယ်စည်ပင်သာယာရေး ဥက္ကဋ္ဌ ဦးသန့်ဇင်ဦးဟာ စည်ပင်ရုံးကနေ နေအိမ်ဆီ ဆိုင်ကယ်နဲ့ ပြန်လာချိန် အမှတ် (၉) ကင်မွန်းခြုံရပ်ကွက်၊ “သန့်သန့်” လျှပ်စစ်ပစ္စည်းဆိုင်အရှေ့အရောက် နောက်က ကပ်ပြီး လိုက်ပါလာတဲ့ ဆိုင်ကယ်တစ်စီးပေါ်က Chauk Guerrilla Force PDF ၁ ဦးက ဦးသန့်စင်ဦးရဲ့ ဦးခေါင်းကို သေနတ်နဲ့ အနီးကပ် ၂ ချက် ပစ်ခတ် သတ်ဖြတ်ခဲ့တာကြောင့် ဦးသန့်စင်ဦးဟာ ဦးခေါင်းပွင့်ထွက် ဒဏ်ရာနဲ့ နေရာတင် ပွဲချင်းပြီး သေဆုံးသွားတယ်လို့ သိရပါတယ်။
ဒီလိုမျိုး လက်နက်မဲ့မြို့တော်ဝန်တစ်ဦးကို ချောင်းမြောင်းပစ်ခတ်သတ်ဖြတ်တဲ့ Chauk Guerrilla Force အဖွဲ့က သူတို့သတ်ဖြတ်မှုဟာ မြောက်ပိုင်းသုံးဖွဲ့ရဲ့ ၁၁၂၇ စစ်ဆင်ရေးကို ထောက်ခံတဲ့အနေနဲ့ အညာမြေမှာစစ်ဆင်ရေးဆင်နွှဲတာလို့ အသိပေးထားသလို ဒီလုပ်ကြံမှုမှာ ချောက်ပကဖ၊ မကွေးခရိုင် အမှတ် (၂) ပြည်သူ့ကာကွယ်ရေးတပ်ရင်းနဲ့ Burma Revolution Rangers တို့လည်းပါတယ်လို့ အသိပေးထားပါတယ်။
