တရုတ်အစိုးရကလည်း ကိုဗစ်-၁၉ တစ်ကျော့ပြန်လာနိုင်ကြောင်း သတိပေး
၂၆.၁၁.၂၀၂၃
တရုတ်နိုင်ငံတွင် လျှို့ဝှက်ဆန်းကြယ်သည်ဟု ဆိုရမည့် နမိုးနီးယားကဲ့သို့ရောဂါတစ်မျိုး ပျံ့နှံ့ဖြစ်ပွားနေသောကြောင့် အိန္ဒိယနိုင်ငံအတွင်း၌လည်း ပြည်နယ်အစိုးရများအား ဆေးရုံများကို ကြိုတင်ပြင်ဆင်သုံးသပ်မှုများပြုလုပ်ထားကြရန် ဗဟိုအစိုးရ၊ ကျန်းမာရေးဝန်ကြီးဌာနက နိုဝင်ဘာ ၂၆ ရက်တွင် ပြောကြားခဲ့သော်လည်း သတိပေးချက်များထုတ်ပြန်ရန်မလိုသေးကြောင်း ဆက်လက်ပြောကြားသွားခဲ့သည်။
ထို့အတူ အိန္ဒိယအစိုးရ၊ ကျန်းမာရေးဝန်ကြီးဌာန၏ ကြေညာချက်တစ်ခု၌ နိုင်ငံ၏ ပြည်နယ်နှင့်ပြည်ထောင်စုနယ်မြေများအားလုံး၌ ဆက်စပ်လျက်ရှိသော ကိုဗစ် -၁၉ ကပ်ရောဂါဖြစ်ပွားခဲ့မှုနှင့်ဆက်စပ်၍ စောင့်ကြပ်ကြည့်ရှုမှုမဟာဗျူဟာများအတွက် လုပ်ငန်းလည်ပတ်မှုဆိုင်ရာညွှန်ကြားချက်များအကောင်အထည်ဖော်ရန် အကြံပေးထားကြောင်း ဖော်ပြခဲ့သည်။
အိန္ဒိယအစိုးရ၊ ကျန်းမာရေးဝန်ကြီးဌာနက တရုတ်နိုင်ငံမြောက်ပိုင်းတွင် ကလေးများ၌ အသက်ရှုလမ်းကြောင်းဆိုင်ရာ နာမကျန်းဖြစ်မှုများ တစ်ဟုန်ထိုး တိုးမြင့်လာနေသည့် သတင်းများကိုသတိပြုမိကြောင်းနှင့် အခြေအနေကိုတုံ့ပြန်နိုင်ရန် စောင့်ကြည့်ကြီးကြပ်နေကြောင်းလည်းပြောခဲ့သည်။
တရုတ်နိုင်ငံတွင် နိုင်ငံတွင်း၌ အသက်ရှုလမ်းကြောင်းဆိုင်ရာ နမိုးနီးယားကဲ့သို့ရောဂါတစ်မျိုး ပျံ့နှံ့ဖြစ်ပွားမှုတိုးမြင့်လာနိုင်ကြောင်း၊ အချို့ပြည်နယ်များတွင် ဖြစ်ပွားမှုအထူးမြင့်တက်နိုင်ကြောင်း တရုတ်နိုင်ငံတော်ကောင်စီက နိုဝင်ဘာ ၂၄ ရက်တွင် ပြောခဲ့သည်။
တရုတ်အစိုးရကလည်း ၎င်းက ကိုဗစ်-၁၉ တစ်ကျော့ပြန်လည်ဖြစ်ပွားခြင်းဖြစ်နိုင်ကြောင်းနှင့် နယ်မြေအားလုံး၌လည်း ကူးစက်ရောဂါများနှင့်ပတ်သက်၍ သတင်းအချက်အလက်များ အချိန်နောက်မကျစေဘဲ အတိအကျရရှိကြရန် သတိပေးထားသည်။
Ref : ; mint
