၂၁.၈.၂၀၂၃
Written By Thandar
“ထားလိုက်ပါ” တေးသီချင်း တစ်ပုဒ်ထဲနဲ့ ပရိသတ်အားပေးမှု အခိုင်အမာရရှိလာတဲ့ တေးရေး တေးဆို Anoni Mus က သတင်းမီဒီယာတစ်ခုရဲ့ အင်တာဗျူးတစ်ခု ဖြေဆိုလိုက်တဲ့ စကားတွေကြောင့် ပရိသတ်တွေ အထင်အမြင်လွဲတာကို ခံရတာလည်းဖြစ်ပါတယ်။
သူ့ဟာ လက်ရှိဖြေကြားခဲ့တဲ့ စကားတွေကျွံသွားတဲ့အတွက် သင်ခန်းစာတွေလည်း ရနေပြီလို့ ပရိသတ် ကိုတောင်းပန်လာပါတယ်။
“ကျွန်တော်မှားသွားတယ်၊ စကားတွေကျွံသွားတယ်၊ သင်ခန်းစာတွေလည်း ရပါပြီ။ ကျွန်တော်က တက် သစ်စအဆိုတော်လည်းဖြစ် လူငယ်လည်း ဖြစ်တာကြောင့် အနုပညာလောကအသိုင်းအဝိုင်းနဲ့ အခုမှ စပြီး ထိ တွေ့ ခွင့်ရတာမို့လို့ စကားပြောတာ အမှားတွေ ပါသွားပါတယ် ခင်ဗျ ၊ စကားအပြောအဆို မတတ်တာဖြစ်တဲ့အတွက်အားလုံးပဲ သည်းခံပေးကြပါ။ ကျွန်တော် ဝန်ခံပါတယ်။ ကျွန်တော် စကားအပြောအဆို မတတ်ပါဘူး။ ဒါပေမဲ့အားလုံး နားလည်ပေးကြမယ်လို့ မျှော်လင့်ပါတယ်။ အားလုံးကို အနူးအညွှတ်တောင်းပန်ပါတယ်။ ပရိသတ်ကြီးအားလုံးက အပြစ်မမြင်ပဲ ကျွန်တော့်ကို ခွင့်လွှတ်ပေးကြပြီး ဆက်လက်အားပေးသွားဖို့ တောင်းဆိုပါ တယ်ခင်ဗျ”လို့ တေးရေး တေးဆို Anoni Mus က ပရိသတ်တွေကို အတိအလင်းတောင်းပန်လာတာလည်း ဖြစ်ပါတယ်။
တေးရေး တေးဆို Anoni Mus က လှိုင်သာယာမှာ နေထိုင်ရတာ မလုံခြုံတဲ့အကြောင်း၊ YBS ကားတွေ မစီးရဲတော့တဲ့အကြောင်း စတာတွေကို စကားတွေ မထင်မှတ်ဘဲ ဖြေဆိုတာလို့လည်း သိရပါတယ်။ ဒီစကားလုံးတွေအပေါ်ယခင်အားပေးနေကြတဲ့ ပရိသတ်တွေရဲ့ ရင်ထဲမကောင်းဖြစ်နေကြသလို ဝေဖန်မှုတွေ မြင့်တက်လာပြီး ကိုယ့်အမှားကို ဝန်ခံတတ်တဲ့အပေါ် သဘောကျသူတွေရှိသလို လက်မခံနိုင်သူတချို့ ရှိနေတာလည်းဖြစ်ပါတယ်။
သူရဲ့ “ထားလိုက်ပါ” တေးသီချင်းကို ဇာတ်ကားတစ်ခုရဲ့ ဇာတ်ဝင်တေးအဖြစ် ရောင်းထားတယ်လို့ သိရပါတယ်။
