၁၃. ၈. ၂၀၂၃
Written By Thandar
ပရိသတ်ရဲ့အချစ်တွေကို သိမ်းပိုက်လိုက်တဲ့ ပရိသတ်အချစ်တော် ကြော်ငြာဘုရင်မလို့ တင်စားခေါ်ဝေါ်ခံထားရတဲ့ ထပ်ဆင့် အကယ်ဒမီထက်ထက်မိုးဦး နဲ့ သမီးလေးဖြစ်သူ စစ်လွန်းဝတီထက်တို့ ရွှေဆိုင်ကြော်ငြာတစ်ခုကို ရိုက်ကူးလျက်ရှိပါတယ်။
မန္တလေးမြို့မှာ ခမ်းနားစွာ ကျင်းပပြုလုပ်ခဲ့တဲ့ “သီတာစိန်ရွှေရတနာဆိုင်” ဈေးရောင်းပွဲတော်မှာ သားအမိနှစ်ယောက်ရဲ့ ချစ်ကြည်နူးစရာ Video ဖိုင်လေးကို ကြည့်ပြီး ပရိသတ်တွေ ပျော်ရွှင်နေကြတာလည်း တွေ့မြင်ခဲ့ရပါတယ်။
“ဒီနေ့ရဲ့ အကြည်နူးရဆုံး အမှတ်တရ မြင်ကွင်းလေး….” လို့ သရုပ်ဆောင် ညီနန္ဒကလည်း ပြောပါတယ်။
ချစ်စရာသားအမိနှစ်ယောက်ကို တွဲလျက်ပုံလေးတွေကို ပရိသတ်တွေ နှစ်အတော်ကြာမတွေ့ခဲ့ရတာလည်း ဖြစ်ပါတယ်။ သားအမိ ခုလို ကြော်ငြာရိုက်ကွင်းကြောင့် ပရိသတ်တွေက တခဲနက်အားပေးလာကြတာပါ။
မကြာခင်ရက်ပိုင်းကလည်း ထက်ထက်မိုးဦးရဲ့ မျိုးဆက်သစ် စစ်လွန်းဝတီထက်နဲ့ အီစိကွေးတို့က ချမ်းသာဆိုတဲ့ မြန်မာ့ရိုးရာတိုင်းရင်းဆေးကြော်ငြာလေးတစ်ခုကို ရိုက်ကူးခဲ့ပါသေးတယ်။
“မိခင်တစ်ယောက်ရဲ့မေတ္တာတွေဟာ ပရိသတ်တွေဆီ အထိရောက်စေခဲ့တဲ့ယနေ့ မြင်ကွင်းလေး။ ဒီအမေနဲ့ဒီသမီး ခုလိုလေးပြန်မြင်ရတာတကယ့်ကို ကြည်နူးစရာပါ”လို့ သရုပ်ဆောင် ဒေါင်းဝေက ပြောလာပါတယ်။
