MT News
Written by Nay Moe
စစ်ကိုင်းမြို့နယ်လူမှုဖူလုံရေးရုံးကို PDF တွေက ဗုံးခွဲတိုက်ခိုက်ခဲ့ပြီး Non CDM ဒုဦးစီးမှူး အမျိုးသမီး ၂ ဦး စိုးရိမ်ရဒဏ်ရာရခဲ့တယ်လို့ စစ်ကိုင်းမြို့နယ် သတင်းမှန်ပြန်ကြားရေးက ထုတ်ပြန်ပါတယ်။
ဖြစ်စဥ်က စစ်ကိုင်းမြို့၊ ဈေးကုန်းရပ်မှာရှိတဲ့ စစ်ကိုင်းမြို့နယ်၊ လူမှုဖူလုံရေးရုံးကို ဇူလိုင် ၂၈ ရက် ညနေ ၄ နာရီခွဲအချိန်ခန့်မှာ NUG ဩဇာခံ People’s Dictatorship Revolutionary Force က ဗုံးခွဲတိုက်ခိုက်ခဲ့တာလို့ စစ်ကိုင်းမြို့နယ် သတင်းမှန်ပြန်ကြားရေးက ထုတ်ပြန်ပါတယ်။
ရုံးဆင်းချိန်မှာ People’s Dictatorship Revolutionary Force က ဗုံးခွဲတိုက်ခိုက်တာကြောင့် နိုင်ငံ့ဝန်ထမ်းတွေဖြစ်တဲ့ ဒုဦးစီးမှူး ဒေါ်သဇင်ထွန်း (၄၃)နှစ်နဲ့ ဒုဦးစီးမှူးဒေါ်ခင်မျိုးသန်း (၄၆)နှစ်တို့ စိုးရိမ်ရဒဏ်ရာရရှိခဲ့ပြီး စစ်ကိုင်းပြည်သူ့ဆေးရုံကြီးသို့ ပို့ဆောင်ခဲ့ရတယ်လို့ သိရကြောင်းလည်း PDF တွေရဲ့ လုပ်ဆောင်ချက်တွေ ဖော်ပြနေတဲ့ စစ်ကိုင်းမြို့နယ် သတင်းမှန်ပြန်ကြားရေးရဲ့ ထုတ်ပြန်ချက်မှာ ဖော်ပြထားပါတယ်။
NUG ယာယီသမ္မတဒူဝါလရှီးလဟာ သူတို့ရဲ့တော်လှန်ရေးနှစ်နှစ်အတွင်း စစ်သား၊ ရဲနဲ့ သူတို့နဲ့ဆက်စပ်တဲ့မိသားစု ၃၀၀၀၀ ကျော် သတ်ဖြတ်ထားပြီးပြီလို့ ဝန်ခံထားပြီး အဲဲဒီအထဲမှာ လက်နက်မဲ့ သံဃာတွေ၊ နိုင်ငံ့ဝန်ထမ်းတွေ၊ ကျောင်းသားကျောင်းသူနဲ့ ဆရာ၊ ဆရာမတွေ၊ ရပ်ကျေးတွေပါ ၆၁၀၀ အထက် သတ်ဖြတ်ခံထားရတယ်လို့ နစကစာရင်းတွေအရ သိရပါတယ်။
