၂၆. ၆. ၂၀၂၃
Written by Min Mahar
ရွှေဘိုမြို့နယ်၊ မင်းကျောင်းကျေးရွာအနီးရှိရွှေဘို – ကျောက်မြောင်းသွားကားလမ်းပေါ်တွင် PDF များထောင်ထားသည့် လက်လုပ်မိုင်းပေါက်ကွဲမှုကြောင့် အမျိုးသားတစ်ဦး မိုင်းစများထိမှန်ကာ ဒဏ်ရာရရှိမှု ယမန်နေ့ညနေပိုင်းက ဖြစ်ပွားခဲ့ကြောင်း ဒေသခံများထံမှ သိရသည်။
ဖြစ်စဉ်မှာ ဇွန်လ ၂၅ ရက် ညနေ ၅ နာရီ ၄၅ မိနစ်ခန့်က စစ်ကိုင်းတိုင်းဒေသကြီး၊ ရွှေဘိုမြို့နယ်၊ မင်းကျောင်းကျေးရွာ၌ နေထိုင်ပြီး လက်သမားအလုပ်ကိုလုပ်ကိုင်နေသော အသက် ၄၈ နှစ်အရွယ်အမျိုးသားတစ်ဦးသည် တစ်ဦးတည်းဆိုင်ကယ်ဖြင့် အလုပ်လုပ်သောနေရာမှ ပြန်လာစဉ် မင်းကျောင်းကျေးရွာအနီး ရွှေဘို-ကျောက်မြောင်းသွားကားလမ်းပေါ်အရောက်တွင် လမ်း၏ဝဲဘက်ခြမ်းမှ PDF အဖွဲ့ထောင်ထားသော လက်လုပ်မိုင်းတစ်လုံး ပေါက်ကွဲခဲ့ရာမှ မိုင်းစများထိမှန်ကာ ဒဏ်ရာများရရှိခဲ့ကြောင်း ၎င်း၏သားဖြစ်သူပြောပြချက်အရ သိရသည်။
အဆိုပါပေါက်ကွဲမှုကြောင့် ၎င်းအမျိုးသားသည် ဦးခေါင်းဝဲဘက်ပေါက်ပြဲဒဏ်ရာ ၁ ချက်၊ ဝဲဘက်လက်မမိုင်းစထိမှန်ဒဏ်ရာ ၁ ချက်(စိုးရိမ်ရ)တို့ ရရှိခဲ့သဖြင့် ဒေသခံလူမှုကူညီရေးယာဉ်ကူညီမှုအရ ရွှေဘိုမြို့၊ အမှတ်(၅)ရပ်ကွက်၊ မင်းရပ်ရှိ ရွှေဘိုပြည်သူ့ဆေးရုံကြီးတွင် ဆေးကုသမှုခံယူနေကြောင်း သိရသည်။
