MT News
Written By Thandar
ပရိသတ်အားပေးမှု အခိုင်အမာရရှိထားတဲ့ သရုပ်ဆောင် စမိုင်းလ်ရဲ့ အသက် ၃၉ နှစ်ပြည့် မွေးနေ့အဖြစ် မြန်မာပြည်တွင်းရှိ ပုဂံပြည့် ၅ ပြည့်နဲ့ ကျိုက်ထီးရိုးစံတော်ရှင်တို့ကို ဆွမ်းကပ်လှူဒါန်းခဲ့ပါတယ်။
“ကျွန်မ ရဲ့ ၃၉နှစ်ပြည့်မွေးနေ့ အမှတ်တရအနေနဲ့ မန်းလေး ညောင် ၁၀ ပင် Smiley အယောက် ၁၀၀ ကို ရွှေတိဂုံ၊ ကျိုက်ထီးရိုး အဓိဌာန် ခရီးစဉ်ကို အခမဲ့ပို့ဆောင်ပြီး ကုသိုလ်ပြုပေးခဲ့ပါတယ်။ ဦးဆောင်ပေးတဲ့ Shwe Chan Smiley ကိုလည်းကျေးဇူးတင်ပါတယ်။ နောက်လည်းအဓိဌာန်တွေ အခုထက်ပို့ဆောင်နိုင်အောင် ကြိုးစားပါ့မယ်ရှင့်”လို့ သရုပ်ဆောင် စမိုင်းလ်က ပရိသတ်တွေ သိအောင် ပြောလာပါတယ်။
သူမရဲ့ မွေးနေ့အမှတ်တရအနေနဲ့ မြန်မာပြည်တွင်းက ပုဂံပြည့် ၅ ပြည့်ဆွမ်းအလှူတော်နဲ့ ကျိုက်ထီးရိုးဆွမ်းအလှူတော် ကပ်လှူဒါန်းခဲ့ပါတယ်။ သူမ အသက် ၃၉ နှစ်ပြည့်မွေးနေ့မှာ အမေရိကန်နိုင်ငံ ကယ်လီဖိုးနီးယား နေအိမ်ရှိ မြတ်စွာဘုရား ကိုလည်း ပန်းမွှေ့ယာနဲ့ ပူဇော်ခဲ့ပါတယ်။
စမိုင်းလ်ဟာ အရင်နှစ် မွေးနေ့တွေမှာလည်း မြန်မာပြည်တွင်းက နေရာဒေသအသီးသီးကို အလှူအတန်းတွေပြုလုပ်ရင်း ဖြတ်သန်းလျှက်ရှိသူလည်း ဖြစ်ပါတယ်။ ခင်ပွန်းဖြစ်သူ ကိုပြည့်မောင်နဲ့ စမိုင်းလ်တို့ မကြာခဏဆိုသလို အလှူအတန်းတွေ ပြုလုပ်နေကြတာလည်း ဖြစ်ပါတယ်။
