၁၃. ၆. ၂၀၂၃
Written by Pan Ei
မင်းသား Jung Hae In နဲ့ Blackpink ထဲက အဖွဲ့ဝင် Jisoo တို့ အဓိက ပါဝင်ရိုက်ကူးထားပြီး ဒရမ်မာချစ်သူတွေနဲ့ မစိမ်းလှတဲ့ Snow Drop ဒရမ်မာထဲမှာ ကျောင်းသူအဖြစ် သရုပ်ဆောင်ခဲ့တဲ့ မင်းသမီး Park Soo Ryun ဟာ မနေ့ နေ့လည်က အိမ်ကိုပြန်ရောက်ချိန် လှေကားပေါ်က မတော်တဆ ချော်ကျခဲ့ကာ သူမဟာ မေ့မြောသွားခဲ့ပြီး နောက်ဆုံးမှာ သေဆုံးသွားခဲ့ပါတယ်။
မင်းသမီး Park Soo Ryun ဟာ ချော်ကျတဲ့ ဒဏ်ရာကြောင့် မသေဆုံးမီမှာပဲ ဦးနှောက်သေသွားခဲ့တယ်လို့ ဆရာဝန်တွေက ကြေညာခဲ့ပါတယ်။
၂၀၁၈ ခုနှစ်က ပွဲဦးထွက်ခဲ့ပြီး ပြဇာတ်မင်းသမီး တစ်ဦးလည်းဖြစ်တဲ့ Park Soo Ryun ဟာ ကွယ်လွန်ချိန်မှာ အသက် ၂၉ နှစ်သာရှိသေးတာ ဖြစ်ပါတယ်။
ကွယ်လွန်သူရဲ့ဆန္ဒအရ မိသားစုက သူမရဲ့ ကိုယ်အင်္ဂါအစိတ်အပိုင်းတွေကို လှူဒါန်းဖို့ ဆုံးဖြတ်ခဲ့တယ်လို့ သိရပြီး ဈာပနအခမ်းအနားကို ဂယောင်ဂျီခရိုင်ဆေးဘက်ဆိုင်ရာစင်တာမှာရှိတဲ့ ဆူဝန်းဆေးရုံမှာ ဒီနေ့ ပြုလုပ်သွားမှာဖြစ်တယ်လို့ သိရပါတယ်။
မင်းသမီး Park Soo Ryun ဟာ Snow Drop ဒရမ်မာသရုပ်ဆောင်တွေထဲက ဒုတိယမြောက်သေဆုံးသူဖြစ်ပြီး မင်းသမီး Kim Mi Soo ကလည်း ဒရမ်မာ ပြသနေစဉ် ၂၀၂၂ ခုနှစ် ဇန်နဝါရီလက ကွယ်လွန်ခဲ့ပါတယ်။
Ref; Showbiz
