၇. ၆. ၂၀၂၃
Written By Thandar
Miss Universe Mawlamyine 2023 ကို မော်လမြိုင်ကိုယ်စားပြုအနေနဲ့ Super Model Dee က ဝင်ရောက်ယှဥ်ပြိုင်နေတယ်လို့ သိရပါတယ်။
Dee ဟာ မင်းသမီး သန္တာလှိုင်တို့ စီစဥ်တင်ဆက်ခဲ့တဲ့ The Model Academy Season 3 က စပြီးတော့ လူအများ ပိုမိုသတိထားမိလာခဲ့ပြီး သူမရဲ့ မော်ဒယ်လောကမှာ ကြိုးစားမှုတွေနဲ့အတူ ပရိသတ်အခိုင်အမာရရှိလာတာလည်း ဖြစ်ပါတယ်။
သူမဟာ ၂၀၁၇ ခုနှစ်က Miss Universe Mawlamyine ပြိုင်ပွဲကို ပထမဦးဆုံး ဝင်ရောက်ယှဥ်ပြိုင်ခဲ့ပြီး 2nd Runner up ဆုနဲ့သာ ကျေနပ်ခဲ့ရတာ ဖြစ်ပါတယ်။ Dee က ၂၀၂၃ ခုနှစ်မှာတော့ ကြိုးစားပြောင်းလဲမှုတွေနဲ့အတူ Comeback လုပ်လာခဲ့တာလည်း ဖြစ်ပြီး Final ကတော့ ဇွန်လ ၁၀ ရက်နေ့မှာ ယှဉ်ပြိုင်ရမှာပဲဖြစ်ပါတယ်။
လက်ရှိမှာ Dee က ပြိုင်ပွဲအတွက် Body Beauty ပိုင်း၊ ဘာသာစကားပိုင်းနဲ့ Catwalk ပိုင်းကိုလည်း အကောင်းဆုံး ကြိုတင်ပြင်ဆင်မှုတွေလည်း လုပ်ဆောင်နေပါတယ်။ ဒီပြိုင်ပွဲမှာ အောင်မြင်မှုတွေရဖို့ Comeback လာခဲ့တဲ့ Dee တစ်ယောက် ဘယ်လိုပြောင်းလဲပြင်ဆင်မှုတွေနဲ့ မြင်တွေ့ရမလဲဆိုတာ မကြာခင်မြင်တွေ့ရမှာပဲ ဖြစ်ပါတယ်။
ဇွန်လ ၂၀ ရက်မှာလည်း ရန်ကုန်ကိုယ်စားပြုအလှမယ်တွေက Miss Universe Yangon 2023 ပြိုင်ပွဲကို ရန်ကုန်က Wyndham Grand Hotel မှာ ကျင်းပပြီး အလှမယ်တွေရွေးချယ်ကာ Miss Universe Myanmar 2023 ပြိုင်ပွဲကြီးကို ဆက်လက်ယှဥ်ပြိုင်ကြရမှာဖြစ်ပါတယ်။
မကြာခင် ၁၀ကြိမ်မြောက် ကျင်းပမယ့် မယ်စကြာဝဠာမြန်မာ Miss Universe Myanmar 2023 ပြိုင်ပွဲကြီးမှာ မြန်မာပြည်တွင်းရှိ ပြည်နယ်နဲ့တိုင်းက အလှမယ်တွေ ဝင်ရောက်ယှဥ်ပြိုင်ကြရမှာပဲ ဖြစ်ပါတယ်။
