စိုင်းစိုင်းခမ်းလှိုင်အပါအဝင် အကယ်ဒမီရ အနုပညာရှင်များ တက်ရောက်
MT News
မြန်မာနိုင်ငံရုပ်ရှင်အစည်းအရုံးက ၂၀၁၉ ခုနှစ်၊ ၂၀၂၀ ပြည့်နှစ်နဲ့ ၂၀၂၂ ခုနှစ်အတွက် မြန်မာရုပ်ရှင်ထူးချွန်ဆု ရရှိသူတွေနဲ့ ကူညီပံ့ပိုးပေးသူတွေကို ဂုဏ်ပြုတဲ့ ညစားပွဲအခမ်းအနားကို မေလ ၁၃ ရက် ည ၇ နာရီက ရန်ကုန်မြို့ Sky Star Hotel မှာကျင်းပခဲ့ပါတယ်။
ဒီအခမ်းအနားမှာ အကယ်ဒမီဆုရှင်တွေဖြစ်တဲ့ စိုင်းစိုင်းခမ်းလှိုင်၊ ဒါရိုက်တာမီးပွား၊ ခင်ဝင့်ဝါ၊ ဒါရိုက်တာအောင်ကိုလတ်၊ အိန္ဒြာကျော်ဇင်တို့ ဇနီးမောင်နှံအပြင် အခြားသော အကယ်ဒမီရ အနုပညာရှင်တွေ တက်ရောက်ခဲ့တာကို တွေ့ရပါတယ်။
၂၀၁၉၊ ၂၀၂၀ နဲ့ ၂၀၂၂ ခုနှစ်တွေအတွက် မြန်မာ့ရုပ်ရှင် ထူးချွန်ဆုချီးမြှင့်ပွဲအခမ်းအနားကို ၂၀၂၃ ခုနှစ် မေလ ၆ ရက် ညနေ ၆ နာရီခွဲက နေပြည်တော် မြို့တော်ခန်းမရှိ လဟာပြင်ကဇာတ်ရုံမှာ စည်ကားသိုက်မြိုက်စွာ ကျင်းပခဲ့ပါတယ်။
သုံးနှစ်စာ မြန်မာ့ရုပ်ရှင် အကယ်ဒမီထူးချွန်ဆုပေးပွဲမှာ စုစုပေါင်း ဆုပေါင်း ၂၆ ဆု ချီးမြှင့်ပေးအပ်ခဲ့ပြီး မြန်မာ့ရုပ်ရှင် အကယ်ဒမီ ထူးချွန်ဆုရှင်တွေကို ရွှေစင်ကြယ် ၅ ကျပ်သားကို ပေးအပ်ခဲ့ပါတယ်။
အခမ်းအနားကို တက်ရောက်လာတဲ့ အကယ်ဒမီရရှိပြီးတဲ့ အနုပညာရှင်၊ အတတ်ပညာရှင်တွေကိုလည်း မြန်မာနိုင်ငံ ရုပ်ရှင်အစည်းအရုံးက ရွှေအစစ်နဲ့ ပြုလုပ်ထားတဲ့ အကယ်ဒမီပုံ ရွှေရင်ထိုးတွေကို ပေးအပ်ချီးမြှင့်ခဲ့ပါတယ်။
