၁၂. ၅. ၂၀၂၃
Written By Thandar
အဆွေးသီချင်းပုံစံ ကိုယ်တိုင်ရေး ကိုယ်ပိုင်သံစဥ်တွေနဲ့ ပရိသတ်အားပေးမှုရရှိထားတဲ့ တေးသံရှင်ပိုပိုရဲ့ အသက် ၃၃ နှစ်ပြည့် Birthday Party Show ကို လာမယ့် မေလ ၁၆ ရက်နေ့ ည ၉နာရီမှာ ရန်ကုန်ဘူတာကြီးအနီး အောင်ဆန်းကွင်းရှေ့ရှိ The Heart of Rangoon မှာ ကျင်းပမယ်လို့ ဆိုပါတယ်။
မွေးနေ့ပါတီဖျော်ဖြေပွဲနဲ့ ပတ်သက်ပြီး ” ပိုရဲ့ မွေးနေ့ပါတီလေးကို လူတိုင်းကို ဖိတ်ပါတယ်။ ပိုရဲ့ မွေးနေ့လေးမှာ ချစ်ရတဲ့သူတွေ၊ ချစ်ပရိသတ်တွေ သူငယ်ချင်းတွေ မိတ်ဆွေတွေနဲ့ အတူဖြတ်သန်းချင်ပါတယ်။ မွေးနေ့ နှစ်ခုစာ မတွေ့ဖြစ်ခဲ့တာမို့ ၃၃ နှစ်ပြည့်မယ့် ဒီနှစ်မွေးနေ့မှာ တွေ့ဆုံပြီး ကျင်းပချင်တာပါ။ ပိုမွေးနေ့ပွဲမှာ ပရိသတ်တွေရဲ့ မိသားစုဝင်တစ်ဦးအနေနဲ့ ပါဝင်စေချင်တယ်။ ဒါကြောင့် ပို မွေးနေ့ Party Show လေးကို လာဖို့ ဖိတ်ခေါ် ပါတယ်နော်။ ချစ်တယ်အများကြီး”လို့ တေးသံရှင် ပိုပိုက ချစ်ပရိသတ်တွေကို ပြောလာပါတယ်။
သူမရဲ့ နာမည်အရင်းက ဝတ်ရည်မိုးပြီး မွေးလ မေလ ၁၆ ရက်နေ့ ၁၉၉၀ မှာ မွေးဖွားခဲ့တာပါ။ Taurus လေးဖြစ်ပြီး အဖြူရောင်ကြိုက်ပါတယ်။ ပိုပိုဟာ တစ်ဦးတည်းသောသမီးဖြစ်ပြီး အဘွားရဲ့ စောင့်ရှောက်မှုအောက်မှာ ကြီးပြင်းလာတဲ့ အဘွားရဲ့ အချစ်ဆုံးမြေး ဖြစ်ပါတယ်။ အဘွားကို အရမ်းချစ်တဲ့ ကောင်မလေးဖြစ်ပါတယ်။ ပိုပိုရဲ့ မွေးနေ့ပါတီအတွက် ဂီတပိုင်းကို The Trio Service band က တီးခတ်ပေးမှာဖြစ်ပြီး လက်မှတ်တွေကို 09420244829 Viber ကနေ ဆက်သွယ်နိုင်တယ်လို့ သိရပါတယ်။
