၁၀. ၅. ၂၀၂၃
Written by Pan Ei
မကြာသေးမီက Billboard ရဲ့ ပထမဆုံး “Latin Woman of the Year” ဆုကို ရရှိခဲ့တဲ့ လက်တင်အဆိုတော် Shakira ဟာ မင်းသားကြီး Tom Cruise နဲ့ တနင်္ဂနွေနေ့က မီယာမီကားမောင်းပြိုင်ပွဲတစ်ခုကနေ တွဲထွက်လာတာကို ပါပါရာဇီတွေက အမိအရဓာတ်ပုံရိုက်ယူနိုင်ခဲ့တာကနေ Tom Cruise နဲ့ Shakira တို့တွဲနေကြတယ်လို့ ကောလဟာလသတင်းတွေ ဆိုရှယ်မီဒီယာပေါ်မှာ ကျယ်ကျယ်ပြန့်ပြန့် ထွက်ရှိနေပါတယ်။
ရည်းစားဟောင်း စပိန်ဘောလုံးသမား Gerard Pique နဲ့ ခါးသီးစွာလမ်းခွဲခဲ့ရပြီး သူမဘဝရဲ့ လမ်းခွဲခဲ့ရတဲ့ ခံစားချက်တွေနဲ့ သီချင်းတွေပါ ထုတ်လုပ်ခဲ့တဲ့ Shakira နဲ့ ဟောလိဝုဒ်လောကရဲ့ ထိပ်တန်းမင်းသားတစ်ဦးဖြစ်တဲ့ Tom Cruise တို့နှစ်ဦးစလုံးဟာ အခုချိန်မှာ တစ်ကိုယ်တည်းစင်ဂယ်ဖြစ်နေကြသူနှစ်ဦးပါ။
ကာယကံရှင်နှစ်ဦးကတော့ အဆိုပါ ကောလဟာလသတင်းတွေနဲ့ ပတ်သက်ပြီး ထုတ်ဖော်ပြောကြားထားတာတွေမရှိသေးပေမဲ့ ပရိသတ်တွေကတော့ Tom Cruise နဲ့ Shakira တို့တွဲနေကြတယ်ဆိုတဲ့ သတင်းတွေအပေါ် ထင်ကြေးအမျိုးမျိုးပေးနေကြပြီး စိတ်ဝင်စားကာ အားပေးလျှက်ရှိနေကြပါတယ်။
သူတို့နှစ်ဦးစလုံးဟာ ပရိသတ်တွေရဲ့ အချစ်တော်ဖြစ်ရုံသာမကဘဲ နာမည်ကြီး အနုပညာရှင်တွေ ဖြစ်ကြတာကြောင့် အဆိုပါ ကောလာဟလသတင်းသာ အမှန်ဖြစ်ခဲ့မယ်ဆိုရင်တော့ နာမည်ကျော် ဆယ်လီစုံတွဲ တစ်တွဲ ဖြစ်လာမှာ အသေအချာပါပဲ။
Ref; People
