MT News
မြန်မာ့ရုပ်ရှင် အကယ်ဒမီထူးချွန်ဆုပေးပွဲကအပြန် ရာသီဥတုအပူဒဏ်ကြောင့် အဝေးပြေးကားပေါ်မှာ မေလ ၇ ရက် နံနက် ၈ နာရီ ၂၀ ခန့်က ဇာတ်ပို့သရုပ်ဆောင် ဦးအောင်သာ ကွယ်လွန်သွားခဲ့ပါတယ်။
” သူက အကယ်ဒမီပေးပွဲကို လာတက်တာပါ။ အကယ်ဒမီအပြန်မှာ ဖြစ်တာပါ။ စီးကြတဲ့ကားချင်းတော့ မတူကြဘူး။ပထမက အိမ်နဲ့အဆက်အသွယ်မရ ဖြစ်သွားတယ်။ အခုကတော့ အိမ်နဲ့လည်း အဆက်အသွယ်တွေ ရသွားပါပြီ။ ရာသီဥတုကလည်း အရမ်းပူတာလည်း ဖြစ်သွားတယ်။ နေပြည်တော် ကုတင် ၁၀၀၀ ဆံ့ ဆေးရုံကြီးဆီ ပို့ဆောင်ထားပါတယ်။ သူ့မှာ ဆီးချိုရောဂါရှိနေတာ။ ပထမက သူ့ကို သွေးတိုးရှိတယ်ထင်နေတာ။ ကားပေါ်မှာကွယ်လွန်သွားတာပါ။ လက်ရှိ ဦးအောင်ခိုင် ၊ ရန်အောင် စတဲ့သူတွေ စီစဉ်ပြီးလုပ်ဆောင်ပေးနေကြပါတယ်။ အိမ်က ရောက်လာတာနဲ့ နာရေးကိစ္စစီစဉ်ကြမှာပါ”လို့ မြန်မာနိုင်ငံရုပ်ရှင်အစည်းအရုံးက ဒုတိယဥက္ကဋ္ဌ ဦးအေးကြူလေးက MT News ကို ပြောပါတယ်။
ကွယ်လွန်သူ ဇာတ်ပို့သရုပ်ဆောင် ဦးအောင်သာရဲ့ မိသားစုတွေ ရန်ကုန်ကနေ လိုက်လာနေပြီး နေပြည်တော် ကုတင် ၁၀၀၀ ဆံ့ ဆေးရုံကြီးကတစ်ဆင့် သင်္ဂြိုလ်သွားမယ်လို့ သိရပါတယ်။
