MT News
Written By Thandar
သဘင်ချစ်ပရိသတ်တွေအတွက် မျိုးဆက်သစ်တွေရဲ့ “မာလာမြိုင်သဘင်ပွဲတော်” ကို ဧပြီ ၈ ရက် ည ၇ နာရီခွဲမှာ စတင်ထုတ်လွှင့်မယ်လို့ စီစဥ်သူ မပတ္တမြားကေခိုင်က MT News ပြောပါတယ်။
“အစ်မအရင်က ဆန်းမင်းတို့ ကတုန်းကလည်း မမက စီစဥ်ပေးဖြစ်တယ်။ မာလာမြိုင်ကလည်း မြန်မာနိုင်ငံက စိုက်ပျိုးရေးနိုင်ငံဖြစ်တော့ အဓိကတောင်သူဦးကြီးတွေပေါ့။ ဇာတ်သဘင်ကို အားပေးတာကလည်း နယ်ပရိသတ်များတယ်။ ဒါကို တောင်သူဦးကြီးတွေ ကျေးဇူးဆပ်တဲ့သဘောနဲ့ မျိုးဆက်သစ်လူငယ်တွေ ပြန်လုပ်ချင်တယ်ပြောတော့ ပြန်လက်ခံဖြစ်ခဲ့တာပါ။ မင်းသားတွေစဥ်းစားကြည့်။ နန်းတော်ရှေ့ဆရာတင်ရဲ့ မြစ်ဖြစ်တဲ့ ဘွန်းပါတယ်။ သူ့မှာလည်း အနုပညာအမွေတွေ သူ့မှာရှိတယ်။ သြရအောင်ကလည်း ရွှေမန်းထဲက ပရိသတ် မမြင်တာကြာတဲ့ မင်းသားမို့ထည့်ထားတယ်။ သားတို့အမွှာလေးက သဘင်အစည်းအရုံးကနေ ရုရှားလူငယ်ပွဲတော် လွှတ်ဖူးတဲ့ကလေးတွေဖြစ်နေတယ်။ ဒီကလေးတွေကလည်း ကြိုးစားချင်စိတ်ရှိတယ်။ သဘင်ကို တကယ် လေးလေးစားစားတန်ဖိုးထားတဲ့ ကလေးတွေဖြစ်တယ်။ တွဲဖက်ပြီး တင်ဆက်မှာပါ”လို့ မပတ္တမြားကေခိုင်က MT News ကိုပြောပါတယ်။
၁နာရီခွဲစာ ပါဝင်မယ့် သဘင်ပွဲတော် အစီအစဥ်မှာ ဇာတ်မင်း သား သြရသ ၊ ဇာတ်မင်းသား ဘွန်း ၊ သားတို့အမွှာ တို့တွေက အကောင်းဆုံးတင်ဆက်ဖျော်ဖြေ ကပြကြမှပါ။ ဒီနေ့ညကပရိသတ်တွေကို မိတ်ဆက်ပေးမှာဖြစ်ပြီး မနက်ဖြန်မှာ သင်္ကြန်ကြိုတဲ့ အစီအစဥ်လေးနဲ့ တင်ဆက်ပေးမှာဖြစ် တယ်လို့ သိရပါတယ်။
“မာလာမြိုင်သဘင်ပွဲတော်” ကို ဧပြီ ၈ ရက် ည ၇ နာရီခွဲမှာ Marlarmyaing Group Page နဲ့ The TREE Entertainment Page တို့မှာ LIVE တိုက်ရိုက်ထုတ်လွှင့်ပေးမှာဖြစ်ပြီး ည ၉ နာရီမှာတော့ Channel ME free to air ရုပ်သံလိုင်းမှာ ပြန်လည်ပြသမှာဖြစ်ပါတယ်။ လာမယ့် အပတ်တွေမှာလည်း သဘင်လောက ဧည့်သည် သဘင်ပညာရှင်တွေကို မတူညီတဲ့ ပုံစံတွေနဲ့ အပတ်စဥ် စနေနေ့နဲ့ တနင်္ဂနွေနေ့ ည ၇ နာရီခွဲမှာ ထုတ်လွှင့်ပေးမယ်လို့ သိရပါတယ်။
