၇. ၄. ၂၀၂၃
Written By Thandar
မင်းသားလူမင်း၊ မြိုရွှေမန်းသား ဖိုးချစ်တို့ ပါဝင်သရုပ်ဆောင်ထားတဲ့” သူရာဘီလူး” ဇာတ်လမ်းတွဲကို Channel K ရုပ်သံလိုင်းက လာမယ့် ဧပြီ ၁၅ ရက်မှာ စတင်ပြသမယ်လို့ သိရပါတယ်။
အေးချမ်းတဲ့ တောရွာလေးကို အရက်အလွန်ကြိုက်တဲ့ ကိုအောင်ကျော်နဲ့ သူရဲ့သမီးဖြစ်သူ မုဆိုးမလေး မအိဖြူတို့ပြောင်းလာခဲ့ကြတယ်။ ရွာလူကြီး လင်မယားရဲ့ မောင်ဖြစ်သူ ချစ်ကိုကလည်း ရွာမှာ အများအကျိုး ဆောင်ရွက်ပေးတတ်သူလည်းဖြစ်ပါတယ်။ တင်မောင်ညွန့်က ကုန်သည်ပွဲစားဖြစ်ပြီးတော့ အသိမိတ်ဆွေတွေ ဖိတ်ခေါ်မှုနဲ့ ရွာကို အလည်ရောက်လာခဲ့ပါတယ်။ အိဖြူနဲ့ တင်မောင်ညွန့်တို့ရဲ့ အတိတ်တွေက ဘယ်လိုဆက်ဖြစ်ကုန်ကြမလဲဆိုတာကို ဇာတ်လမ်းထုတ်လွှင့်တဲ့အခါမှာ ပရိသတ်အတူ ကြည့်ရှုရမှာဖြစ်ပါတယ်။
“သူရာဘီလူး” ကို အရင်ကရုပ်ရှင်ကားကြီးအဖြစ် ဖန်တီးခဲ့ပြီး အခုတော့ ဇာတ်လမ်းတွဲအနေနဲ့ Channel K ရုပ်သံလိုင်းကနေ ဧပြီ ၁၅ ရက် စနေနေ့နဲ့ တနင်္ဂနွေနေ့တွေမှာ ည ၇ နာရီအချိန်မှာ ပြသသွားမှာဖြစ်ပါတယ်။
အရင်ရုပ်ရှင်ဇာတ်ကားအနေနဲ့ မြိုင်ရာဇာတွတ်ပီရဲ့ ရုပ်ပြဇာတ်လမ်းတစ်ပုဒ်ဖြစ်သလို မိုမိုဆန်းက ဇာတ်လမ်းရေးသားထားတာလည်း ဖြစ်ပါတယ်။ ဒီကား ဇာတ်ညွှန်းကိုတော့ အကယ်ဒမီ စိုးကျော်ဆန်းက ပြန်လည်ရေးသားပြီး ဒါရိုက်တာ အကယ်ဒမီ ထွန်းအောင်ဇော်က ရိုက်ကူးခဲ့တာလည်း ဖြစ်ပါတယ်။ ဒီဇာတ်လမ်းတွဲမှာ သရုပ်ဆောင် အကယ်ဒမီ လူမင်း ၊ မြို့ရွှေမန်းသား ဖိုးချစ်၊ စွမ်း ၊ အကယ်ဒမီ မယ်လိုဒီ၊ အကယ်ဒမီ မျိုးသန္တာထွန်း၊ အကယ်ဒမီ မော့စ်၊ ကုသိုလ်နဲ့ အနုပညာရှင်များစွာ ပါဝင်သရုပ်ဆောင်ထားကြပါတယ်။
