၆. ၄. ၂၀၂၃
Written By Thandar
ဟာသပညာပေး “အလှည့်အပြောင်း” ဇာတ်ကားမှာ ဘီလျံနာဖြစ်ချင်နေတဲ့ မင်းဇေယျာအနေနဲ့ ပရိသတ်မြင်တွေ့ရမှာလို့ သရုပ်ဆောင်တိုင်ရွန်က ပြောပါတယ်။
“ဒီဇာတ်ကားမှာတော့ ဘီလျံနာဖြစ်ချင်နေတဲ့ မင်းဇေယျာနေရာကနေ ပရိသတ်တွေ ကျွန်တော့်ကို မြင်တွေ့ရမှာပါ။ သူငယ်ချင်း တစ်ယောက်ဆီမှာ လူငယ်ဆိုတော့ ဖြစ်ချင်ကြတဲ့ စိတ်ဆန္ဒတွေ မျိုးစုံရှိကြတယ်။ ဒီကားလေးက ပျော်ရွှင်စရာ၊ ချစ်စရာ ဟာသပညာပေးပုံစံလေး ရိုက်ကူးထားတာပါ”လို့ သရုပ်ဆောင် တိုင်ရွန်က ပြောပါတယ်။
ဒီဇာတ်ကားကို မနက်ဖန် ဧပြီ ၇ ရက် ည ၉ နာရီ ၄၅ မိနစ်မှာ SKY NET နဲ့ SKY PREMIER HD ကနေ ပြသပေးမှာဖြစ်ပါတယ်။ ဘီလျံနာဖြစ်ချင်နေတဲ့ မင်းဇေယျာ၊ ကမ္ဘာကျော်အဆိုတော်ဖြစ်ချင်နေတဲ့ ဇူးဇူး၊ နာမည်ကြီး စားဖိုမှုး ဖြစ်ချင်နေတဲ့ အောင်မြတ်ဆိုပြီး ငယ်သူငယ်ချင်း သုံးယောက်ရှိကြပါတယ်။ ဒီငယ်သူငယ်ချင်းတွေ ပေါင်းပြီး ဘားဆိုင်လေးတစ်ဆိုင် ဖွင့်ထားကြပါတယ်။ လာစားတဲ့သူတစ်ယောက်မှ မရှိလို့ ဆိုင်ကို အကြွေးနဲ့ သိမ်းခံရဖို့ ဖြစ်လာတာဖြစ်ပါတယ်။ ပထမ သူဌေးအိပ်မက်ကို အကောင်အထည်ဖော်ဖို့ စီစဥ်တဲ့သူရယ်။ ဆိုင်မှာ သီချင်းဆိုဖို့ ဖြစ်လာတဲ့ သူရယ်။ နောက် ဆိုင်မှာ လက်စွမ်းပြချက်ပြုတ်ဖို့ ကိုယ်စီရည်မှန်းချက်တွေဟာ ပျက်ပြယ်သွားမလား။ ဒီလိုနဲ့ သူတို့ဘဝကို အလှည့်အပြောင်းဖြစ်စေမယ့် အကြံအစည်တစ်ခုကို အကောင်အထည်ဖော်ကြတဲ့အခါ စိတ်ကူးနဲ့လက်တွေ့ တစ်ကယ်ဖြစ်လာမှာလား။ သူတို့ ထုံးစံအတိုင်း အလွဲတွေပဲ ဆက်ဖြစ်နေမလားဆိုတာကို ပရိသတ်တွေနဲ့အတူ ရင်ခုန်စွာ ကြည့်ရှုရမှာဖြစ်ပါတယ်။
အဆိုပါ ဇာတ်ကားကို ဒါရိုက်တာ ဘုန်းသက်ပိုင်စိုး၊ လက်ထောက်ဒါရိုက်တာအနေနဲ့ ယမင်းထွန်း၊ သုတ(Tripple) ၊ ဌေးလှိုင်နဲ့ ဖြိုးညီသန့် တို့က ပါဝင်အားဖြည့်ထားပြီး သရုပ်ဆောင်အနေနဲ့ Tyron ၊ ရှိုင်းလေး ၊ B-Sox (Htet Htet) ၊ K ညီ ၊ နေလင်း၊ မောင်ကင်း ၊ ပီယ စတဲ့သူတွေ ပါဝင်သရုပ်ဆောင်ထားကြပါတယ်။
The Turning Point (အလှည့်အပြောင်း) ဇာတ်ကားကို SKY NET နဲ့ SKY PREMIER HD ရုပ်သံလိုင်းတွေက ဧပြီ ၈ ရက်နေ့ မနက် ၁၀ နာရီရယ်၊ ည ၉နာရီ ၄၅ မိနစ်မှာ ပြန်လည်ထုတ်လွှင့်ပေးမှာဖြစ်သလို ဧပြီ ၉ ရက်နေ့မှာလည်း နံနက် ၁၀ နာရီ တစ်ကြိမ်နဲ့ ည ၉ နာရီ၄၅ မိနစ်မှာ ထပ်မံ ပြန်လည်ကြည်ရှုခွင့်ရမှာဖြစ်ပါတယ်။
