“အဇ္ဈတ္တမီးအိမ်” ဇာတ်လမ်းတွဲမှာ သူငယ်ချင်းကို တိတ်တခိုးချစ်ပြီး အရာရာဖြည့်ဆည်းပေးတတ်တဲ့ ရှင်းသန့်နေရာ ပါဝင်သရုပ်ဆောင်ထားတဲ့ နော်ဖောအယ်ထား

၆. ၄. ၂၀၂၃
Written By Thandar

ခြောက်ခြားရင်ထိတ်ဖွယ်အချစ်ပုံစံ “အဇ္ဈတ္တမီးအိမ်” ဇာတ်လမ်းတွဲမှာ ကိုယ့်သူငယ်ချင်းကို တိတ်တခိုးချစ်ပြီးအရာရာလိုက်ဖြည့်ဆည်းပေးတတ်တဲ့ ရှင်းသန့်နေရာက ပါဝင်သရုပ်ဆောင်ထားပါတယ်လို့ သရုပ်ဆောင် နော်ဖောအယ်ထားက ပြောပါတယ်။

“အဇ္ဈတ္တမီးအိမ်”က ဖြစ်ရပ်ဆန်းကြယ် အချစ်ဇာတ်လမ်းတွဲလည်း ဖြစ်ပါတယ်။ ဒီဇာတ်လမ်းတွဲမှာ ကိုယ့်သူငယ်ချင်းကို တိတ်တခိုးချစ်ပြီး အရာရာလိုက်ဖြည့်ဆည်းပေးတတ်တဲ့ ရှင်းသန့်နေရာ ပါဝင် သရုပ်ဆောင်ထားပါတယ်။ ပရိသတ်တွေထဲမှာ ဒီလိုအကြောင်းအရာလေးတွေ တိုက်ဆိုင်မှုရှိမယ်လို့ နော်ဖောတော့ မျှော်လင့်ပါတယ်”လို့ သရုပ်ဆောင် နော်ဖောအယ်ထားက ပြောပါတယ်။

ဒီဇာတ်လမ်းတွဲက အပိုင်း ၁၀ ပိုင်းပါဝင်ပြီး လာမယ့် ဧပြီ ၉ ရက်နေ့မှာ Mahar App ကနေ ထုတ်လွှင့်ပြသသွားမှာဖြစ်ပါတယ်။ အဇ္ဈတ္တမီးအိမ် ဇာတ်လမ်းတွဲကို ဇာတ်လမ်း ဇာတ်ညွှန်း ပိုင်စိုးအံ့ ရေးသားထားပြီး ဒါရိုက်တာ ထွဋ်တင့်ထွန်းက သရုပ်ဆောင်တွေဖြစ်တဲ့ အောင်ရဲထိုက် ၊ မင်းတော်ဝင် ၊ သိန်းလင်းစိုး ၊ နော်ဖောအယ်ထား ၊ ဖုန်းသီရိကျော် ၊ သွန်းသက်ထူးစံ ၊ မိုးခမ်း ၊ဦးဘဂျမ်း တို့နဲ့ ရိုက်ကူးပုံ ဖော်ထားတာဖြစ်ပါတယ်။

“ကျွန်တော်တို့ ဇာတ်လမ်းရဲ့ ပုံစံက Trailer Drama ကိုမှ Suspense လေးလည်း နည်းနည်းပါတယ်။ တောအုပ်တွေကြားထဲက အိမ်ထဲကို လူစိမ်းတစ်ယောက်။ ဒီလူစိမ်းတစ်ယောက် ရောက်လာပြီးမှ ထိတ်လန့်မှုတွေ ခြောက်ခြားစရာတွေ ကြုံတွေ့လာရအကြောင်းကို ပုံဖော်ထားတယ်။ ဇာတ်အိမ်အကြောင်းကို ခန့်မှန်းပြီး ပရိသတ်ကြည့်တာ ပိုကောင်းလိမ့်မယ်။ ဒီကားမှာ ပါဝင်မယ့် ကာရိုက်တာနဲ့ လိုက်ဖက်မယ့် သရုပ်ဆောင်တွေကို ရွေးထားတယ်”လို့ ဒါရိုက်တာ ထွဋ်တင့်ထွန်းကပြောပါတယ်။