၄. ၄. ၂၀၂၃
Written by Pan Ei
ကမ္ဘာကျော်တောင်ကိုရီးယားအမျိုးသားအဆိုရှင်အဖွဲ့ BTS ရဲ့ အဖွဲ့ဝင်တစ်ဦးဖြစ်တဲ့ Jimin ဟာ မကြာသေးမီကမှ ထွက်ရှိခဲ့တဲ့ “Like Crazy” ဆိုတဲ့သီချင်းနဲ့ Billboard ရဲ့ အကျော်ကြားဆုံး သီချင်း ၁၀၀ စာရင်းရဲ့ နံပါတ် (၁) နေရာကို ရရှိခဲ့တဲ့ ပထမဆုံး တောင်ကိုရီးယားတစ်ကိုယ်တော်အနုပညာရှင်အဖြစ် မှတ်တမ်းဝင်ခဲ့တယ်လို့ Billboard က တနင်္လာနေ့ (ဧပြီလ ၃ ရက်) မှာ ကြေညာခဲ့ပါတယ်။
Jimin ရဲ့သီချင်းသစ် “Like Crazy” ဟာ အခုအပတ်အတွက် Billboard ရဲ့ အကျော်ကြားဆုံး သီချင်း ၁၀၀ စာရင်းမှာ နံပါတ် (၁) နေရာနဲ့ ပွဲဦးထွက်ခဲ့ပြီး ထိပ်ဆုံးနေရာကို ရှစ်ပတ်ကြာ သိမ်းပိုက်ထားခဲ့တဲ့ Miley Cyrus ရဲ့ သီချင်း “Flowers” ကို ကျော်တက်သွားခဲ့တာဖြစ်ပါတယ်။
၁၉၅၈ ခုနှစ်က စတင်ခဲ့တဲ့ အဆိုပါစာရင်း ထိပ်ဆုံးနေရာရဲ့ ၆၆ ပုဒ်မြောက်အဖြစ် Jimin ရဲ့သီချင်းသစ် “Like Crazy” က စာရင်းဝင်လာခဲ့တာ ဖြစ်ပါတယ်။
၂၀၂၁ ခုနှစ်တုန်းက ကမ္ဘာတဝှမ်းလုံးမှာ ကျော်ကြားခဲ့တဲ့ တောင်ကိုရီးယားအဆိုတော် Psy ရဲ့ “Gangnam Style” သီချင်းဟာ အဆိုပါစာရင်းရဲ့ နံပါတ် ၂ နေရာကို ရောက်ရှိခဲ့ဖူးပါတယ်။
Ref; CNA
