၂၇. ၃. ၂၀၂၃
Written By Thandar
Myanmar Idol Season ကတဆင့် ပရိသတ်အားပေးမူအခိုင်အမာရရှိလာတဲ့ တေးသံရှင် ဖြိုးမြတ်အောင်ကတော့ “ပင်လယ်ပြာပြာ မိုးပြာပြာ” ဇာတ်ကားဟာ မထွက်ခင်ထဲက ပရိသတ်စိတ်ဝင်စားခြင်းခံရတဲ့ ဇာတ်ကားမို့ ဇာတ်ဝင်တေးဆိုရမှာ တာဝန်ပိုကြီးသလို ခံစားရပါတယ်လို့ ဆိုပါတယ်။
“ကျွန်တော့်အနေနဲ့ ဒီဇာတ်ကားကလက်ရှိမှာလည်း နာမည်ကြီးနေတယ်လေ။ နဂိုထဲက အောင်မြင်ပြီးသား ဇာတ်လည်း ဖြစ်နေတယ်။ ကျွန်တော့်အနေနဲ့ ဇာတ်ဝင်တေး တစ်ခါမှတော့ မဆိုဖူးဘူး။ ဒီဇာတ်ကားရဲ့ ဇာတ်ဝင်တေး သီဆိုရမှာမို့ ရင်ခုန်ရပါတယ်။ သံစဉ်ပိုင်း ဘယ်လိုဖြစ်မလဲ မသိသေးပါဘူး စိတ်ဝင်စားဖို့တော့ ကောင်းမှာပါ။ တစ်ခါမှ ဇာတ်ဝင်တေးမဆိုဘူးလို့လည်း ဆိုကြည့်ချင်တယ်။ ဇာတ်ကားမထွက်ခင်ထဲက ပရိသတ်စိတ်ဝင်စားခြင်းခံရတဲ့ ဇာတ်ကားမို့ ဇာတ်ဝင်တေးဆိုရမှာ တာဝန်ပိုကြီးသလို ခံစားရပါတယ်။ ဒီဇာတ်ဝင်တေးဆိုရမှာ ပိုရင်ခုန်ပါတယ်။ ကျွန်တော့်အနေနဲ့ ဇာတ်ဝင်တေးမို့ လျှော့လို့မရဘူ၊း ပိုကြိုးစားရမှာပါ”လို့ တေးသံရှင် ဖြိုးမြတ်အောင်က ပြောပါတယ်။
အဆိုပါ ဇာတ်ဝင်တေးသီချင်းကိုတော့ တေးရေး ကိုအရှည်ကြီး ရေးမှာဖြစ်သလို ဒါရိုက်တာ ဟိန်းစိုးနဲ့အတူ ညှိနှိုင်းမှုတွေ လုပ်ဆောင်နေတယ်လို့ သိရပါတယ်။ ဇာတ်ဝင်တေး တီးလုံး ဖန်တီးမှုအပိုင်းမှာလည်း တာဝန်ပိုကြီးတယ်လို့ ဆိုပါတယ်။
တေးသံရှင် ဖြိုးမြတ်အောင်ကတော့ ၂၀၂၃ ခုနှစ်မှာ သီချင်းသစ်တွေဆိုဖို့ထက်၊ လာမယ့် ၂၀၂၄ ခုနှစ်မှ တေးသီချင်းသစ်တွေ ထွက်လာဖို့ ပိုများမယ်လို့ ဆိုပါတယ်။ လက်ရှိမှာ တေးသီချင်းသစ်တွေ စုစည်းနေတယ်လို့ ဆိုပါတယ်။
