၂၇. ၃. ၂၀၂၃
Written By Thandar
အချစ်ဇာတ်လမ်း “ချစ်သော…အတာ”သင်္ကြန်ဇာတ်လမ်းတွဲမှာ ပိတောက်နေရာ၌ သဇင်ထူးမြင့်က အကောင်းဆုံး Drama ချိုးပြီးသရုပ်ဆောင်ပေးခဲ့တယ်လို့ ဒါရိုက်တာ ကျော်ထင်က ပြောပါတယ်။
Awaken Production ကနေတင်ဆက်မယ့် Drama Series ကို လာမယ့် ဧပြီ ၃ ရက်နေ့မှာ Fortune TV ကနေ ထုတ်လွှင့်သွားမှာ ဖြစ်ပါတယ်။
“ကျွန်တော်တို့က သင်္ကြန်ဇာတ်လမ်းဖြစ်လို့ အဖွင့် အပိတ်လောက်လေးပဲ ထည့်ဖြစ်တာပါ။ ဆရာမ ရွှေပြည့်နဲ့တိုင်ပင်ပြီး ဇာတ်လေးလုပ်ဖြစ်တာပါ။ သင်္ကြန်ကို အရမ်းကြီး မထည့်ထားပဲ သင်္ကြန် အငွေ့အသက်လေးပါမယ်။ မုန့်လုံးရေပေါ်လုံးတာတွေ ပါတယ်။ သင်္ကြန်မဏ္ဍပ်တွေ၊ လူကြီးသူမတွေကို ကန်တော့ပရိတ်ရွတ်ကြတာတွေ ပါတယ်။ Drama ပါးပါးလေးကနေ Heavy Drama လေးဖြစ်သွားတယ်။ ဒီဇာတ်လမ်းမှာ ပိတောက်နေရာက သဇင်ထူးမြင့် က အကောင်းဆုံး Drama ချိုးပြီးသရုပ်ဆောင်ပေးခဲ့တယ် ”လို့ ဒါရိုက်တာ ကျော်ထင်ကပြောပါတယ်။
ဒီဇာတ်လမ်းတွဲကို ဇာတ်လမ်း၊ ဇာတ်ညွှန်းကို ရွှေပြည့်က ရေးသားပြီးတော့ ဒါရိုက်တာ ကျော်ထင်က သရုပ်ဆောင်တွေ ဖြစ် တဲ့ မော်ကွန်းသစ်၊ ပိုင်ထူး၊ ဂျွန်နိုင်းအောင်၊ ဇွဲ၊ ပြည့်ဖြိုးစံ၊ မြတ်ကိုဒီ၊ အကယ်ဒမီ ခင်မို့မို့အေး၊ သဇင်ထူးမြင့်၊ နော်အိမ့်ခြူးမိုးမြင့်၊ ဝင်းလဲ့ရွှေရည်၊ ချောစုစုသွယ်၊ ကေခိုင်ထွန်း၊ လွင်ယမင်းကိုကို၊ ဦးစမ်းသာ၊ ဒေါ်မြတ်လေး၊ မမဇင်၊ မမျိုးမျိုးတို့နဲ့အတူ ရိုက်ကူးထားတာဖြစ်ပါတယ်။
“ကျွန်တော်တို့ရိုးရာ သင်္ကြန်ပွဲတော်ကားလေး ရိုက်ရလို့လည်း ကျေနပ်ပါတယ်။ ဒီဇာတ်လို သင်္ကြန်ကားမျိုး မရိုက်ဖူးဘူး။သင်္ကြန် အငွေ့အသက်လေးနဲ့ Romance Drama ကားလေးကို အားပေးပါလို့ ပြောချင်ပါတယ်။ ဒီကာလမှာ အခက်အခဲကြားက အကောင်းဆုံးလည်း ကြိုးစားထားပါတယ်။ လိုအပ်ချက်တွေရှိရင် ဝေဖန် ထောက်ပြနိုင်ပါတယ်လို့ ပြောချင်ပါတယ်“လို့ သူကဆက်လက်ပြောခဲ့ပါတယ်။
