MT News
စစ်ကိုင်းတိုင်းဒေသကြီး၊ ခင်ဦးမြို့နယ်၌ PDF များ၏ အကြမ်းဖက် ပစ်ခတ်ဖောက်ခွဲတိုက်ခိုက်ရာတွင် အသုံးပြုသည့် လက်လုပ်စိန်ပြောင်း၊ လက်လုပ်မိုင်းများနှင့် ဆက်စပ်ပစ္စည်းများ သိမ်းဆည်းရမိခဲ့သည်ဟု SAC ၏ သတင်းထုတ်ပြန်ရေးအဖွဲ့က ထုတ်ပြန်သည်။
ဖြစ်စဉ်မှာ မတ်လ ၂၃ ရက် နံနက် ၇ နာရီအချိန်တွင် စစ်ကိုင်းတိုင်းဒေသကြီး၊ ခင်ဦးမြို့နယ်၊ မြကန်ကျေးရွာအတွင်း၌ လုံခြုံရေးတပ်ဖွဲ့ဝင်များက လုံခြုံရေးလုပ်ငန်းများ ဆောင်ရွက်နေစဉ် အဆိုပါကျေးရွာရှိ အခြေခံပညာမူလတန်းကျောင်းအတွင်းမှ လက်လုပ်စိန်ပြောင်း ၁၀ လက်၊ လက်လုပ်ရှေ့ ထွက်မိုင်း ၃ လုံး၊ လက်လုပ်မိုင်း ၃ လုံး၊ ၁၂ ဗို့ကျည် ၂၂ တောင့်၊ ကျည်ကာအင်္ကျီ ၁ ထည်၊ ကျည်ကာ အင်္ကျီတွင်ထည့်သောသံပြား ၂ ချပ်၊ ဆိုင်ကယ်ဘတ္ထရီအိုး ၂ လုံး၊ ပြောက်ကျားဦးထုပ် ၁ လုံး၊ ရှာထိုးဦးထုပ် ၁ လုံး၊ ပြောက်ကျားလည်တိုဖိနပ် ၃ ရံ၊ လက်လုပ်စိန်ပြောင်း ဒေါက်တိုင် ၄ ချောင်း၊ ဝါးညှပ် ၃ ခု၊ ဆေးထိုးပိုက် 20 CC ၂၀ ချောင်း၊ အရှည် ၃၀ ပေခန့်ရှိ ဝိုင်ယာကြိုး ၃ ခွေ၊ အရှည် ၂၀၀ ပေခန့်ရှိ နိုင်လွန်ကြိုး ၁ ခွေနှင့် အရှည် ၁၀၀ ပေခန့်ရှိ ငါးမျှားကြိုး (တိုက်ကြိုး) ၁ ခွေတို့အား သိမ်းဆည်းရမိခဲ့သဖြင့် စနစ်တကျ ဖျက်ဆီးခဲ့ကြောင်း သိရသည်။
