၂၃. ၃. ၂၀၂၃
Written by Hey Mar
မင်္ဂလာဒုံခရိုင်၊ မင်္ဂလာဒုံမြို့နယ်၊ ပျဉ်းမပင်ကျေးရွာအုပ်စု၊ မြဲမြန်အောင်ရပ်ကွက်(ယခင်) အတွင်းတွင် သရက်သီးတက်ခူးရာမှ ပြုတ်ကျကာ ရေနစ်သေဆုံးမှုတစ်ခု ယမန်နေ့ မတ်၂၂ ရက် နေ့လည်၂ နာရီခန့်က ဖြစ်ပွားခဲ့ကြောင်း မင်္ဂလာဒုံ နာရေးကူညီမှုအသင်းမှ သိရသည်။
ဖြစ်စဥ်မှာ အသက်(၃၇)နှစ် အရွယ်အမျိုးသားတစ်ဦးသရက်ပင်ပေါ်တက်ကာ သရက်သီးခူးရာမှ သရက်ကိုင်းကျိုးပြီး အောက်တွင်ရှိသော ပေ ၂၀ ခန့်နက်သည့် ဘောင်ခတ်မထားသော ရေတွင်းထဲ ပြုတ်ကျနေခြင်းဖြစ်ကြောင်း သိရသည်။
ပြုတ်ကျသည်ကို မိသားစုမှ ချက်ချင်းမသိရှိခဲ့ဘဲ လူကိုမတွေ့၍ လိုက်လံရှာဖွေရာမှ ရေတွင်းထဲတွင် တွေ့ရှိရခြင်းဖြစ်ကြောင်း၊ ထိုမှတစ်ဆင့် သက်ဆိုင်ရာ ရဲတပ်ဖွဲ့အားအကြောင်းကြားကာ မင်္ဂလာဒုံနာကူ သူနာတင်ယာဥ်ဖြင့် အခင်းဖြစ်ရာနေရာမှ အင်းစိန်ဆေးရုံသို့ ပို့ဆောင်ခဲ့ကြောင်းသိရသည်။
