၂၃. ၃. ၂၀၂၃
Written By Thandar
Myanmar ldol Season ကတစ်ဆင့် ပရိသတ်အားပေးမှုကို ရရှိထားတဲ့ တေးသံရှင် မေမဒီက တစ်ခေတ်တစ်ခါမှာ နာမည်ကြီးခဲ့တဲ့ “စပါကလင်အချစ်” သီချင်းလေးကို ဒီနေ့ မတ်လ၂၃ ရက်မှာ ပရိသတ်ကို လက်ဆောင်ပေးခဲ့ပါတယ်လို့ ဆိုပါတယ်။
“မေလေးရဲ့ တတိယမြောက် ပြန်ဆိုတေးလေးလည်းဖြစ်ပါတယ်။ ဒီနေ့ကတော့ Full MV အနေနဲ့ ထွက်ရှိတာပါ။ မေလေးငယ်ငယ်ထဲက ကြိုက်ခဲ့ရတဲ့သီချင်းလေးမို့ ပြန်လည်သီဆိုဖြစ်တာပါ။ ဒီသီချင်းလေးကို ပရိသတ်ဆီကို လက်ဆောင်ပေးတဲ့ သဘောနဲ့တင်လိုက်တာပါ။ ပြန်ဆိုခွင့်ပေးတဲ့ဆရာ ဂီတစာဆိုကိုလေးလွင် မိသားစုကိုလည်း အထူးပင်ကျေးဇူးတင်ပါတယ်ရှင့်”လို့ တေးသံရှင် မေမဒီက ပြောပါတယ်။
နာမည်ကြီး တေးရေးဆရာ ဂီတစာဆို ကိုလေးလွင်ရဲ့ တေးသီချင်းကို Music Version ပိုင်းနဲ့ အကောင်းဆုံးဖန်တီးထားပြီး ZMHC Entertainment ကနေ ရိုက်ကူးပေးထားတာဖြစ်တယ်လို့ သိရပါတယ်။ မေမဒီက This Is May Ma D တစ်ကိုယ်တော် သီချင်းခွေကို ထွက်ရှိထားသလို Single Song တေးသီချင်းလေးတွေကိုလည်း ပရိသတ်တွေအတွက် အကောင်းဆုံးတင်ဆက်မှုတွေနဲ့ လုပ်ဆောင်ပေးလျှက်ရှိပါတယ်။
