MT News
၉. ၃. ၂၀၂၃
နိုင်ငံကျော်အဆိုတော်တစ်ဦးဖြစ်သူ အဆိုတော်တွံတေးစိုးအောင်မှာ ယနေ့နံနက် ၂ နာရီ ၃ မိနစ်က ရုတ်တရက်ကွယ်လွန်သွားကြောင်း သားဖြစ်သူ တွံတေးဟိန်းကျော်က အသိပေးထားသည်။
“ဒီမနက်ပေါ့။ ၂ နာရီ ၃ မိနစ်က ကျွန်တော့်ရဲ့ အဖေ နိုင်ငံကျော်တေးသံရှင် တွံတေးစိုးအောင် ကွယ်လွန်သွားပါပြီ။ အားပေးကြတဲ့ပရိသတ်ကို ကျေးဇူးအများကြီးတင်ပါတယ်” ဟု တွံတေးဟိန်းကျော်က အသိပေးထားသည်။
မယ်ဒလင်တစ်လက်ဖြင့် ကိုယ်ပိုင်သီချင်းများစွာရေးစပ်ကာ နိုင်ငံကျော်ခဲ့သူ အဆိုတော်တွံတေးစိုးအောင်မှာ ဗီဒီယိုကားများစွာကိုလည်း သရုပ်ဆောင်ဖူးသူဖြစ်သည်။ ကနဦးသတင်းများအရ ဦးနှောက်သွေးကြောပြတ်သေဆုံးသည်ဟုလည်း MT News သတင်းဌာနက စုံစမ်းသိရပြီး ဆက်လက်သိရှိရသည်များကို ထပ်မံဖော်ပြပေးမည်ဖြစ်သည်။
Movies Credit Twantay Hein Kyaw
