photo-အမှတ် (၄) ရပ်ကွက် ရွှေပြည်သာအရံမီးသတ်တပ်ဖွဲ့
၂၇. ၁. ၂၀၂၃
Written by Nyein Kyaw
ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ ဟံသာဝတီလမ်းတွင် ဇန်နဝါရီ ၂၇ ရက်၌ ကားတစ်စီးမီးလောင်မှု ဖြစ်ပွားခဲ့ပြီး အချိန်မီ မီးငြှိမ်းသတ်နိုင်ခဲ့ကာ လူသေဆုံးမှုမရှိကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
ဇန်နဝါရီ ၂၇ ရက် နေ့လည် ၁၂ နာရီ ၅၀ မိနစ်ခန့်တွင် Box ကားတစ်စီး မီးလောင်မှုဖြစ်ပွားကြောင်း သတင်းရရှိသဖြင့် ကမာရွတ်မြို့နယ် မီးသတ်စခန်းမှ မီးသတ်ယာဉ်တစ်စီး ထွက်ခွာငြှိမ်းသတ်ခဲ့ရကြောင်း သတင်းရရှိသည်။
အဆိုပါ ကားမီးလောင်မှုဖြစ်စဉ်တွင် လူသေဆုံးထိခိုက်မှုမရှိဘဲ မီးငြှိမ်းသတ်နိုင်ခဲ့ကြောင်း မီးသတ်တပ်ဖွဲ့က သတင်းထုတ်ပြန်ထားပြီး ကားပေါ်၌ မည်သည့်ပစ္စည်းများ ပါရှိခြင်းနှင့် ဆုံးရှုံးမှုတန်ဖိုးများကိုမူ ထုတ်ပြန်ထားခြင်းမရှိပေ။
